Гісторыя стварэння і развіцця прадпрыемства

Адлік сваёй гісторыі прадпрыемства вядзе з 1930 года, калі паўстала неабходнасць стварыць прадпрыемства для дапамогі сельскай гаспадарцы з тэхнікай і яе рамонтам. Была арганізавана Мінская МТС. У той час парк тэхнікі складаўся з шасці трактароў «Фордзон» і чатырох «Інтэрнацыянал-6». У канцы 1932 г. парк МТС папоўніўся дзесяццю трактарамі «ХТЗ». На працягу 1935-1936 гг. у МТС прыбылі гусенічныя трактары СХТЗ-НАТІ. Ужо да пачатку 1941 г. трактарны парк папоўніўся трактарамі ЧТЗ і налічваў больш за дваццаць трактароў усіх марак.

У гады Вялікай Айчыннай вайны сядзібу МТС захапілі нямецка-фашысцкія захопнікі. Работу МТС аднавіла амаль адразу пасля вызвалення раёна ад нямецка-фашысцкіх захопнікаў (у 1944 годзе).

У 1956 г. была пабудавана майстэрня. У 1958 г. Мінская МТС была рэарганізавана ў РТС. РТС пачала займацца механізацыяй жывёлагадоўчых ферм і рамонтам трактароў і сельскагаспадарчых машын калгасаў і саўгасаў раёна.

У 1960 г. Мінская РТС рэарганізавана ў РМТС, а ў 1961 г. на яе базе ствараецца Мінскае раённае аб'яднанне «Сельгастэхніка», дзе праводзіўся капітальны рамонт трактароў, выраблялася нестандартнае абсталяванне для жывёлагадоўчых ферм, рэстаўраваліся дэталі.

З 1963 г. майстэрня аб'яднання спецыялізуецца на рамонце трактароў ДТ-20, і з гэтага часу пачынаецца рэзкае павелічэнне колькасці адрамантаванай тэхнікі.

У 1965 г. праведзена рэканструкцыя цэхаў майстэрні. Пачалі ўжывацца найноўшыя метады рамонту, вырабу і рэстаўрацыі дэталей. Уведзены цэхі па рэстаўрацыі, вырабе, асталіванні і храмаванні дэталей, рэстаўрацыі дэталей з дапамогай вібракантактных установак і зваркі пад слоем флюсу. У 1968 г. майстэрня асвоіла выраб разгалінавальных каробак і сілавога кабеля. Механізаваны працэсы разборкі і зборкі вузлоў і агрэгатаў трактароў, што значна павысіла прадукцыйнасць працы.

Рамонтная майстэрня з 1973 г. спецыялізуецца на рамонце трактароў маркі Т-25 з ужываннем найноўшых метадаў рамонту, вырабу і рэстаўрацыі дэталей. Была пабудавана станцыя і створана інжынерная служба па рамонце і тэхнічным абслугоўванні энерганасычаных трактароў.

У 1975 г. уведзена ў эксплуатацыю станцыя тэхнічнага абслугоўвання аўтамабіляў. Яна была разлічана на 600 машын у год. Тут праводзіліся ТА-1 і ТА-2, заяўачныя і бягучыя рамонты, мыйка і дыягнаставанне машын.

У 1977 г. арганізавана і працуе служба кантролю за работай новай і капітальна адрамантаванай тэхнікі. У задачы службы ўваходзіць ухіленне дэфектаў і складанне рэкламацый на няспраўную тэхніку ў гарантыйны перыяд.

У 1978 г. на тэхнічнае абслугоўванне ўзята абсталяванне нафтабаз калгасаў і саўгасаў раёна. Створана два звяны па тэхнічным абслугоўванні і рамонце ёмістасцей, калонак.

Праводзілася вялікая работа па падрыхтоўцы і павышэнні кваліфікацыі кадраў як гаспадарак раёна, так і сваіх работнікаў. У 1978 г. уведзены ў эксплуатацыю навучальны корпус на 400 месцаў.

Увод у дзеянне ў 1980 г. майстэрні агульнага прызначэння дазволіў павялічыць аб'ём работ па тэхнічным абслугоўванні і бягучым рамонце энерганасычаных трактароў.

У 1986 г. Мінскае раённае аб'яднанне «Сельгастэхніка» было рэарганізавана ў Мінскае раённае аб'яднанне «Райаграпрамтэхніка».

У 1999 г. у Мінскім раённым аб'яднанні «Райаграпрамтэхніка» створаны механізаваны атрад для дапамогі гаспадаркам раёна ў вырошчванні і ўборцы сельскагаспадарчых культур.

У 2000 г. рашэннем Мінскага абласнога выканаўчага камітэта на базе Мінскага раённага аб'яднання «Райаграпрамтэхніка» створана ААТ «Мінская райаграпрамтэхніка».

Прадпрыемства неаднаразова займала першае месца па выніках рэспубліканскага сацыялістычнага спаборніцтва (1969, 1976, 1980, 1982).

На выкананне Указа Прэзідэнта Рэспублікі Беларусь № 40 ад 27 студзеня 2003 года «Аб удасканаленні кіравання арганізацыямі аграпрамысловага комплексу» рашэннем Мінскага абласнога выканаўчага камітэта № 426 ад 06.06.2003 г. шляхам рэарганізацыі ААТ «Мінская райаграпрамтэхніка» было ўтворана ААТ «Мінскі райаграсервіс» у форме далучэння да яго адкрытых акцыянерных таварыстваў «Мінскі райаграпрамснаб» і «Мінская райсельгасхімія». Пераўтварэнні станоўча адбіліся як на эканамічным становішчы прадпрыемства (істотна скарочаны кіраўнічы апарат і выдаткі на яго ўтрыманне), так і на арганізацыі работы з партнёрамі (ліквідаваны бюракратыя і цяганіна).

З мэтай удасканалення кіравання арганізацыямі, якія абслугоўваюць аграпрамысловы комплекс Мінскай вобласці, Мінскі абласны выканаўчы камітэт 12 лютага 2009 г. прыняў рашэнне № 126 аб мэтазгоднасці рэарганізацыі ААТ «Мінскаблаграсервіс» шляхам далучэння да яго ААТ «Мінскі райаграсервіс». 30.04.2009 г. ААТ «Мінскі райаграсервіс» спыніла сваю дзейнасць. Правапераемнікам усіх правоў і абавязкаў ААТ «Мінскі райаграсервіс» стала ААТ «Мінскаблаграсервіс».

Рашэннем дырэкцыі ААТ «Мінскаблаграсервіс» ад 30 красавіка 2009 г. і назіральнага савета ад 30 красавіка 2009 г. быў створаны Філіял «Мінскі райаграсервіс» ААТ «Мінскаблаграсервіс».

На агульным сходзе акцыянераў было прынята рашэнне аб рэарганізацыі ААТ «Мінскаблаграсервіс» шляхам выдзялення з яго ААТ «Менскі Аграсервіс».

На падставе рашэння ўстаноўчага сходу ўдзельнікаў ААТ «Менскі Аграсервіс» 20 снежня 2010 года створана ААТ «Менскі Аграсервіс».